«Real» prezidenti Florentino Peres hujumchi Krishtianu Ronalduning yonini oldi.
Ma’lumki, futbolchi «Barselona»ga (3:1) qarshi o‘yinda simulyasiyada ayblanib, maydondan chetlatilgan edi. So‘ngra, hakamni turtib yuborgani uchun uzoq muddatli diskvalifikasiyaga uchragandi.
Peres haqiqiy simulyantlarni jazolash kerakligini aytib, jarima maydonchasida yiqilib, penalti ishlab olgan Luis Suaresning mug‘ombirligiga ishora qildi.
«Ba’zi odamlar mug‘ombirlik qiladi, ammo hech kim ularni jazolamaydi. Oxirda esa hech qachon simulyasiya qilmagan futbolchi jabr chekadi. Hamma xato qiladi, ammo faqat bir futbolchi jazolanadi. Aslida, haqiqiy mug‘ombirlik qilganni jazolash kerak», – dedi Peres Diario Madridista xabarida.
