«Реал» президенти Флорентино Перес ҳужумчи Криштиану Роналдунинг ёнини олди.

Маълумки, футболчи «Барселона»га (3:1) қарши ўйинда симуляцияда айбланиб, майдондан четлатилган эди. Сўнгра, ҳакамни туртиб юборгани учун узоқ муддатли дисквалификацияга учраганди.

Перес ҳақиқий симулянтларни жазолаш кераклигини айтиб, жарима майдончасида йиқилиб, пенальти ишлаб олган Луис Суареснинг муғомбирлигига ишора қилди.

«Баъзи одамлар муғомбирлик қилади, аммо ҳеч ким уларни жазоламайди. Охирда эса ҳеч қачон симуляция қилмаган футболчи жабр чекади. Ҳамма хато қилади, аммо фақат бир футболчи жазоланади. Аслида, ҳақиқий муғомбирлик қилганни жазолаш керак», – деди Перес Diario Madridista хабарида.