“Tottenxem” va Angliya terma jamoasi yarim himoyachisi Deli Alli FIFA tashkiloti tomonidan Slovakiyaga qarshi uchrashuv (2:1) dagi harakati tufayli bir o‘yinga chetlatildi. Shuningdek, 3,85 ming funt sterling jarimaga tortildi.
Eslatib o‘tamiz, Alli Slovakiyaga qarshi uchrashuvda hakamga qarata o‘rta barmog‘ini ko‘rsatgandi.
Endilikda futbolchi 5 oktyabr kuni Sloveniyaga qarshi uchrashuvni o‘tkazib yuboradi, lekin so‘nggi turdan o‘rin olgan Litvaga qarshi uchrashuv (8 oktyabr) da maydonga tusha olishi mumkin.
Keyinchalik futbolchi o‘rta barmog‘ini jamoadoshi Kayl Uolkerga ko‘rsatganini aytib, undan kechirim so‘ragandi. Angliya (FA) futbol federasiyasi ushbu vaziyatda Dele Alli haqiqatdan ham barmog‘ini Uolkerga ko‘rsatgani yozib olingan videotasvirni FIFAga jo‘natgandi, biroq futbolchi barbir jazoga tortildi.
