“Qo‘qon-1912” – “Sho‘rtan” (4:1) uchrashuvidan keyin mehmonlar bosh murabbiyi vazifasini bajaruvchisi Gennadiy Kochnev o‘z fikrlarini aytdi.
"Bugun mezbonlar g‘alabaga haqli o‘yin namoyish etishdi. Ushbu g‘alaba bilan qo‘qonliklarni tabriklayman. Dastlabki 30 daqiqada yaxshi o‘ynadik. Lekin birinchi bo‘limda ikkita gol o‘tkazib yubordik. Ikkinchi bo‘limni ham yaxshi boshlagandik. Ammo yana xatolarimiz evaziga ikkita gol o‘tkazdik. Tan olish kerak, bugungi bahsda oldingi o‘yinda jarohat olgan o‘yinchilarning yo‘qligi bilindi. Bugungi bahsda Mamadaliyevning o‘rni sezildi. “Qo‘qon-1912”ni yana bir bor g‘alaba bilan tabriklayman" - dedi Kochnev.
