“Қўқон-1912” – “Шўртан” (4:1) учрашувидан кейин меҳмонлар бош мураббийи вазифасини бажарувчиси Геннадий Кочнев ўз фикрларини айтди.

"Бугун мезбонлар ғалабага ҳақли ўйин намойиш этишди. Ушбу ғалаба билан қўқонликларни табриклайман. Дастлабки 30 дақиқада яхши ўйнадик. Лекин биринчи бўлимда иккита гол ўтказиб юбордик. Иккинчи бўлимни ҳам яхши бошлагандик. Аммо яна хатоларимиз эвазига иккита гол ўтказдик. Тан олиш керак, бугунги баҳсда олдинги ўйинда жароҳат олган ўйинчиларнинг йўқлиги билинди. Бугунги баҳсда Мамадалиевнинг ўрни сезилди. “Қўқон-1912”ни яна бир бор ғалаба билан табриклайман" - деди Кочнев.