Bugun Namanganda, Oliy liganing 23-turida «Paxtakor» mehmon bo‘ldi.

Uchrashuvni jamoalar ehtiyotkorlik bilan boshlashdi. Bunday uchrashuvlarda birgina gol o‘yin taqdirini hal qilishini barcha biladi. Baribir «Paxtakor» o‘z o‘yini bilan muxlislarni biroz xavotirda ushlab turdi.

Bo‘limning so‘nggiga kelib, har ikki jamoada golli imkoniyat yuzaga keldi. Ayniqsa, bugun tug‘ilgan kunini nishonlagan Turg‘unboyevni zarbasi xavfli chiqdi. Bo‘lim oxirida Lobanov «Paxtakor»ni muqarrar goldan saqlab qoldi. Birinchi bo‘limda hisob ochilmadi.

Ikkinchi bo‘lim mehmonlar ustunligida boshlangan bo‘lsa-da, uchrashuvdagi dastlabki golni «Navbahor» urdi. 57-daqiqada Mirzohid G‘ofurov chap qanotdan "Paxtakor" jarima maydoniga yorib kirib Lobanov qo‘riqlagan darvozani aniq nishonga oldi - 1:0.

Goldan ruhlangan mezbonlar oldinga borishda davom etishdi. Bahsning 72-daqiqasida esa Ro‘zimboy Ahmedov "Navbahor"ning ikkinchi golini urdi - 2:0.

Shu tariqa o‘yin «lochinlar»ning chiroyli g‘alabasi bilan yakunlandi.

Oliy liga, 23-tur
«Navbahor» - «Paxtakor» 2:0
Gollar: G‘ofurov 57, Ahmedov 72
“Navbahor”: 23. Dilshod Hamroyev, 5. G‘iyos Komilov, 6. Oston O‘runov, 7. Oybek Qilichev, 9. Dilshod Jabborov (S), 19. Mirzohid G‘ofurov, 21. A’zam Aliyev, 22. Ro‘zimboy Ahmedov, 32. Jahongir Mehmonov, 44. Darko Stanoyevich, 77. Azizbek Turg‘unboyev.
Zaxira: 68. Mirzohid Mamatxanov, 4. Abbos Otaxonov, 8. Ravshan Hursanov, 17. Ilhom Boydedayev, 18. Doniyor Usmonov, 70. Abbos Maxstaliyev, 84. Nemanya Yovanovich.
"Paxtakor": 12. Aleksandr Lobanov, 7. Azim Axmedov, 11. Igor Sergeev, 17. Suhrob Nurulloyev, 24. Davron Hoshimov, 29. Vladimir Kozak, 52. Gidi Kanyuk, 55. Marko Simich (S), 70. Sherzod A’zamov, 77. Tiago Bezerra, 80. Rostin Griffits.