Бугун Наманганда, Олий лиганинг 23-турида «Пахтакор» меҳмон бўлди.
Учрашувни жамоалар эҳтиёткорлик билан бошлашди. Бундай учрашувларда биргина гол ўйин тақдирини ҳал қилишини барча билади. Барибир «Пахтакор» ўз ўйини билан мухлисларни бироз хавотирда ушлаб турди.
Бўлимнинг сўнггига келиб, ҳар икки жамоада голли имконият юзага келди. Айниқса, бугун туғилган кунини нишонлаган Турғунбоевни зарбаси хавфли чиқди. Бўлим охирида Лобанов «Пахтакор»ни муқаррар голдан сақлаб қолди. Биринчи бўлимда ҳисоб очилмади.
Иккинчи бўлим меҳмонлар устунлигида бошланган бўлса-да, учрашувдаги дастлабки голни «Навбаҳор» урди. 57-дақиқада Мирзоҳид Ғофуров чап қанотдан "Пахтакор" жарима майдонига ёриб кириб Лобанов қўриқлаган дарвозани аниқ нишонга олди - 1:0.
Голдан руҳланган мезбонлар олдинга боришда давом этишди. Баҳснинг 72-дақиқасида эса Рўзимбой Аҳмедов "Навбаҳор"нинг иккинчи голини урди - 2:0.
Шу тариқа ўйин «лочинлар»нинг чиройли ғалабаси билан якунланди.
Олий лига, 23-тур
«Навбаҳор» - «Пахтакор» 2:0
Голлар: Ғофуров 57, Аҳмедов 72
“Навбаҳор”: 23. Дилшод Ҳамроев, 5. Ғиёс Комилов, 6. Остон Ўрунов, 7. Ойбек Қиличев, 9. Дилшод Жабборов (С), 19. Мирзоҳид Ғофуров, 21. Аъзам Алиев, 22. Рўзимбой Аҳмедов, 32. Жаҳонгир Меҳмонов, 44. Дарко Станоевич, 77. Азизбек Турғунбоев.
Захира: 68. Мирзоҳид Маматханов, 4. Аббос Отахонов, 8. Равшан Ҳурсанов, 17. Илҳом Бойдедаев, 18. Дониёр Усмонов, 70. Аббос Махсталиев, 84. Неманья Йованович.
"Пахтакор": 12. Александр Лобанов, 7. Азим Ахмедов, 11. Игорь Сергеев, 17. Суҳроб Нуруллоев, 24. Даврон Ҳошимов, 29. Владимир Козак, 52. Гиди Канюк, 55. Марко Симич (С), 70. Шерзод Аъзамов, 77. Тиаго Безерра, 80. Ростин Гриффитс.
