Oliy Ligada 23-tur uchrashuvlari yakuniga yetdi. Ayni damda musobaqa jadvaliga nazar tashlaydigan bo‘lsak, mamlakatimizning amaldagi chempioni “Lokomotiv” hamon musobaqa jadvalini boshqarib bormoqda.

“Temiryo‘lchilar” jamoasi 23ta uchrashuvda 16ta g‘alaba, 3ta durang hamda 4ta mag‘lubiyat qayd etgan holda 51 ochko jamg‘arishga ulgurishdi. Jamoa eng yaqin ta’qibchisi – “Nasaf”dan 7 ochko oldinda bormoqda.

Yana bir diqqatga sazovor jihat shundan iboratki, “Loko” joriy yilgi chempionatimizda 50ta gol urgan dastlabki jamoaga aylandi va bu orqali “temiryo‘lchilar” Oliy Liganing eng sermahsul jamoasi nomini ham saqlab turishibdi.