"Yuventus" klubi bosh murabbiyi Massimiliano Allegri "Atalanta" (2:2) bilan o‘ynalgan durang haqida gapirib o‘tdi. Uchrashuvda turinliklar mavsumdagiilk ochkolariniyo‘qotishdi.

"Intensivlik va texnika jihatdan biz yaxshi o‘ynadik. O‘zimizni maydonda qulay his qildik. 2:0 dan keyin jarima zarbasidan gol o‘tkazib yubordik. O‘yin esa tartibsiz bo‘lib ketdi.

Yakun biz uchun omadli keldi. Qarshi hujumdan gol o‘tkazib yuborishimizga oz qolgandi. Raqibga ikki marta gol urishga imkoniyat berganimizdan xafaman.

Jarima zarbalaridan keyin bo‘lgan kurashlarda biz juda ko‘p yutqazdik, o‘tkazib yuborilgan goldan keyin juda ko‘p yo‘qotishlarga duch keldik, undan tashqari Kristante chiroyli gol sohibi bo‘ldi.

So‘nggi daqiqalarda juda hayajonlandim. Yutishimiz ham yutqazishimiz ham mumkin edi. Mavsum oxirigacha yig‘ilgan ochkolar oltinga teng bo‘ladi", — deydi Allegri.