Ispaniya terma jamoasi bosh murabbiyi Xulen Lopetegi ba’zi futbolchilar Kataloniyaning mustaqilligini qo‘llab-quvvatlaganidan keyin jamoada yuzaga kelgan muhit borasida o‘z fikrlarini bildirib o‘tdi.

«Pikening tayyorgarligi joyida. U terma jamoa o‘yinlariga o‘z e’tiborini qaratgan. U nima haqida o‘ylayapti? Biz boshqa odamlarning firkini tahlil qilmaymiz. Pikening terma jamoaga sodiqligi — muhokama qilinmaydigan masala. Shu bois, u terma jamoaga taklif etildi.

Hozir hamma xotirjam bo‘lishi kerak va bu mavzuni ko‘pirtirish shart emas.

Terma jamoada o‘ynashga tayyor bo‘lgan futbolchilarni nima uchun men chaqirmasligim kerak? Buning uchun sabab ko‘rmayapman. Voqealar rivojidan ilgarilab ketishni istamayman. Shunchaki futbol murabbiyi bo‘lishni istayman.

Men Pike qilgan yoki qilmagan ishlarni tahlil qilmayman. Mening o‘z fikrim bor, ammo men uni ma’lum qilmayman. Mening vazifam — futbolchilarni terma jamoa o‘yiniga tayyorlash. Bu mavzuni rivojlantirish terma jamoaga yordam bermaydi. Xotirjamlikni saqlagan holda muhitni buzmasligimiz kerak.

Futbolchilar Pikeni yaxshi ko‘rishadi. Jamoada yomon muhitni his qilmayapman. Barcha futbolchilar terma jamoada o‘ynashni istagani uchun bu yerga yetib kelishdi. Qandaydir muammoni payqasam, uning yechimi haqida bosh qotiraman», – dedi murabbiy.