Испания терма жамоаси бош мураббийи Хулен Лопетеги баъзи футболчилар Каталониянинг мустақиллигини қўллаб-қувватлаганидан кейин жамоада юзага келган муҳит борасида ўз фикрларини билдириб ўтди.

«Пикенинг тайёргарлиги жойида. У терма жамоа ўйинларига ўз эътиборини қаратган. У нима ҳақида ўйлаяпти? Биз бошқа одамларнинг фиркини таҳлил қилмаймиз. Пикенинг терма жамоага содиқлиги — муҳокама қилинмайдиган масала. Шу боис, у терма жамоага таклиф этилди.

Ҳозир ҳамма хотиржам бўлиши керак ва бу мавзуни кўпиртириш шарт эмас.

Терма жамоада ўйнашга тайёр бўлган футболчиларни нима учун мен чақирмаслигим керак? Бунинг учун сабаб кўрмаяпман. Воқеалар ривожидан илгарилаб кетишни истамайман. Шунчаки футбол мураббийи бўлишни истайман.

Мен Пике қилган ёки қилмаган ишларни таҳлил қилмайман. Менинг ўз фикрим бор, аммо мен уни маълум қилмайман. Менинг вазифам — футболчиларни терма жамоа ўйинига тайёрлаш. Бу мавзуни ривожлантириш терма жамоага ёрдам бермайди. Хотиржамликни сақлаган ҳолда муҳитни бузмаслигимиз керак.

Футболчилар Пикени яхши кўришади. Жамоада ёмон муҳитни ҳис қилмаяпман. Барча футболчилар терма жамоада ўйнашни истагани учун бу ерга етиб келишди. Қандайдир муаммони пайқасам, унинг ечими ҳақида бош қотираман», – деди мураббий.