«Тоттенхэм» марказий ҳимоячиси Микки ван де Вен ёзги трансфер ойнасида клубини ўзгартириши мумкин. Нидерландиялик футболчига бозорда талаб катта: «шпорлар» юлдузи учун курашда вазиятни диққат билан кузатиб бораётган «Манчестер Юнайтед» ва «Ливерпуль» клублари асосий фаворит ҳисобланмоқда.

CaughtOffside нашри берган маълумотларга кўра, ван де Вен янги клубда ҳафтасига тахминан 200 минг фунт стерлинг (230 минг евродан ортиқ) маош олмоқчи — у музокаралар давомида айнан шундай шарт қўйиш ниятида. Эҳтимолий трансфер қиймати 60–80 миллион фунт (70–93 миллион евро) атрофида баҳоланмоқда.

Жорий мавсумда 25 ёшли футболчи «Тоттенхэм» сафида барча мусобақаларда 41 та ўйинда майдонга тушиб, ўз ҳисобига 7 та гол ва битта голли узатмани ёздириб қўйди.