Avvalroq, O‘zbekiston Oliy Ligasining 23-turidan o‘rin olgan “Navbahor”–“Paxtakor” uchrashuvi 2:0 hisobida mezbonlarning foydasiga hal bo‘lgani va uchrashuvdan so‘ng o‘tkazilgan matbuot anjumanida Interfutbol.uz jurnalisti ishtirok etgani haqida xabar bergandik.
Buni qarangki, jurnalistimiz o‘yindan so‘ng tashkil etilgan matbuot anjumanidan umuman boshqacha taasurotlar uyg‘ongani haqida xabar bermoqda.
Gap shundaki, matbuot anjumanining birinchi qismida “Paxtakor” jamoasining gruziyalik murabbiyi Shota Arveladze qatnashdi va anjumanda jurnalistlardan tashqari bir qator “Navbahor” muxlislari ham ishtirok etishdi.
E’tiborlisi, jurnalistlarning savollariga qisqacha javob bergan Arveladze namanganlik muxlislarning “Paxtakor” klubining “Navbahor”ga qarshi o‘tkazgan oldingi uchrashuvlaridagi o‘yinlari halol yo‘l bilan g‘alaba qozonilmagani, gohida federasiya, gohida hakamlar toshkentlik sportchilarga yordam berishgani haqidagi g‘aliz savollariga javob berishga ham majbur bo‘lgan.
Dastlabki provakasion savol muallifi jurnalist bo‘lmagan va uning yonida kasbini tasdiqlovchi guvohnomasi ham bo‘lmagan. Aniqrog‘i, savol muallifi katta ehtimol bilan oddiy bir muxlis edi.
Arveladze uning savoliga javob bera olmasligi va oldingi o‘yinlar paytida O‘zbekistonda ishlamaganini va “Paxtakor”–“Navbahor” uchrashuvlari qanday muhitda o‘tganidan xabardor emasligini aytib o‘tadi.
Ammo ba’zi savol-javoblardan keyin boshqa bir jurnalist akkreditasiyasiga ega bo‘lmagan noma’lum shaxs matbuot anjumani o‘tayotgan zalga kirib kelib, Arveladzega “Paxtakor” jamoasining shu paytgacha “Navbahor”ni halol yo‘l bilan yutmagani mazmunidagi savolni yana qaytarib beradi.
Keyin birinchi savolni bergan muxlis buni tasdiqlash maqsadida uning savoliga qarsak chaladi. Bu holat esa tabiiyki, Shota Arveladzening jahlini chiqaradi hamda savol mualliflariga “Vi na menya nayezjayete” kabi e’tirozni bildirib o‘tadi.
Bu holatda “Paxtakor” klubi Matbuot xizmati vakili Bekzod Nazarov vaziyatga aralashib, muxlislardan bu kabi provakasion savollarni matbuot anjumanida bermasliklarini so‘raydi.
Noto‘g‘ri savolni berishga berib qo‘ygan muxlis “Paxtakor” matbuot xizmati xodimiga e’tiroz bildirib, undan ovozini o‘chirishni so‘raydi, bundan jahli chiqqan Bekzod Nazarov bu vaqtda muxlislar bilan og‘zaki aytishuvga kirishib ketadi.
Nazarov, shuningdek, namanganlik muxlislarga “Navbahor” o‘z vaqtida “Paxtakor”ga qarshi uchrashuvlarning birida noto‘g‘ri penalti tepganini eslatib o‘tadi
Natijada Davomi
