"Yuventus" va "Manchester Yunayted" kabi jamoalarning sobiq darvozaboni Edvin van der Sar 1999 yilda "Liverpul"ga emas, balki Turin klubiga o‘tgani haqida so‘zlab berdi:
"1999 yili "Ayaks"ni tark etganimda men Liverpulga borganman. U yerda Jerar Ulye bilan suxbatlashganman.
Menga "Enfild"ni ko‘rsatishdi, klub rasmiylari va ayrim o‘yinchilari bilan uchrashdim. "Yuventus"dan taklif bo‘lmaguncha "Livepul"ga o‘tishga jiddiy qaror qilib qo‘ygandim. Turinda meni jiddiy sinovlar kutib turgandi"
Gollandiyalikning aytishiga ko‘ra, u 2005 yildan oldin ham "MYU" tarkibiga o‘tishi mumkin bo‘lgan:
"Fergyusson har doim men bilan shartnoma tuzish istagida bo‘lganini bilib yurardim. Ammo "MYU"da Marko Bosnich bilan kelishuv bor edi. U erkin agent sifatida jamoaga o‘tgandi. 1999 yili Petr Shmeyxelning o‘rnida men bo‘lishim kerak edi. Ammo bunday bo‘lishi uchun 6 yil kutdim. "MYU" esa boshqa darvozabonlarni sinovdan o‘tkazib oldi.
Esimda, "MYU"ga transferimning ilk qismi ser Aleksning ovozli pochtasidan boshlangan. Men uchun juda muxim kun edi. O‘shanda Londonda o‘ynayotgandim ("Fulxem" tarkibida), endi oldinga qadam tashlash kerak edi.
Fergyusson menga juda ham kerakligimni, jamoada kim yetakchi, kim himoyani boshqarishini aytib berdi. U jamoa bosim ostida qolsa ham, kuchsizlanib qolmasligini so‘zlagandi", - deydi van Der Sar.
Oldinroq Van der Sar "Ayaks"ning maslahat kengashini tark etgani haqida rasmiy xabar yangradi.
