"Manchester Yunayted"ning sobiq a’zosi Rayan Giggzning fikriga ko‘ra, Maruan Fellayni Joze Mourinyo jamoasi uchun kerakli futbolchi.
Fellayni hali "Old Trafford"da katta shuhratga erisha olmadi. Biroq unda jamoasi g‘alabalari uchun katta hissa qo‘shishga vaqt bor.
"Maruan Fellayni Pol Pogbaning o‘rniga munosib o‘rinbosar ekanligini isbotladi.
U muxim gollarni urmoqda, "Everton"da qilgan ishlarini qaytarmoqda. Maruan o‘ziga bildirilayotgan tanqidlardan asta sekin halos bo‘layotgani meni xursand qilmoqda.
Men u bilan ishladim va bu menga yoqdi. Uning mashg‘ulotda bajarayotgan ishlarini o‘yinda ham qilishini kutsak bo‘ladi. O‘zining kuchli va kuchsiz tomonlarini juda yaxshi biladi. Joze Maruanga ishonadi. Bu esa eng muximi", - deydi Giggz.
