Shu yilning 12–22 oktyabr kunlari Xitoyning Nankin shahrida 19 yoshgacha bo‘lgan ayol futbolchilar o‘rtasida Osiyo chempionati bo‘lib o‘tadi. Unda jami 8 terma jamoa 2 guruhga bo‘lingan holda ishtirok etadi.
“A” guruhidan Xitoy, Shimoliy Koreya, Tailand va O‘zbekiston joy egallagan bo‘lsa, “B” guruhida Yaponiya, Janubiy Koreya, Avstraliya va Vyetnam o‘zaro bahs olib boradi.
O‘zbekiston U-19 ayollar terma jamoasi bosh murabbiy Bahrom Norsafarov Osiyo chempionatiga 22 futbolchini jalb qildi.
Darvozabonlar: Maftuna Jonimqulova (“Sevinch”), Sarvinoz Ergasheva (“Sho‘rtan”), Nargiza Mahmudova (“Mash’al”);
Himoyachilar: Zarina Boboyeva (“Lokomotiv”), Gulxayo Mannaboyeva (“Sevinch”), Laylo Shodiyeva (“Olmaliq”), Maftuna Shoyimova (“Sevinch”), Nozima Kamoltoyeva (“Metallurg”), Shahnoza Shokirova (“Sevinch”), Soliha Husniddinova (“Bunyodkor”);
Yarim himoyachilar: Darina Fedosenko (“Bunyodkor”), Gulzoda Amirova (“Sevinch”), Komila Zaripova (“Olmaliq”), Feruza Boboxo‘jayeva (“Sevinch”), Malika Burxonova (“Sevinch”), Umida Zoirova (“Bunyodkor”), Sevara Normurodova (“Sevinch”), Maftuna Panjiyeva (“Sevinch”);
Hujumchilar: Shahnoza Qurbonova (“Sevinch”), Dildora Ergasheva (“Sho‘rtan”), Shoira Qo‘lto‘rayeva (“Sevinch”), Diyora Habibullayeva (“Metallurg”).
Osiyo chempionatiga yo‘l olishdan avval O‘zbekiston U-19 ayollar termasi 6–11 oktyabr kunlari Toshkentda o‘quv-mashg‘ulotlar yig‘inini o‘tkazadi. Shundan keyin jamoa Janubiy Koreyaning Inchxon shahridan Xitoyning Nankin shahriga uchadi.
Quyida 19 yoshgacha ayollar o‘rtasidagi Osiyo chempionati “A” guruhi taqvimi bilan tanishing:
15 oktyabr, yakshanba
12:00 Xitoy – O‘ZBEKISTON
16:00 Shimoliy Koreya – Tailand
18 oktyabr, chorshanba
12:00 Tailand – Xitoy
16:00 O‘ZBEKISTON – Shimoliy Koreya
21 oktyabr, shanba
12:00 Xitoy – Shimoliy Koreya
16:00 Tailand – O‘ZBEKISTON
Izoh: Uchrashuv soatlari Toshkent vaqti bilan ko‘rsatilgan
Ma’lumot uchun, guruh bosqichida 1–2 o‘rinlarni egallagan terma jamoalar yarim finalga chiqadi. Osiyo chempionati yakunida 1–3 o‘rinlarni egallagan terma jamoalar esa 2018 yili Fransiyada bo‘lib o‘tadigan 20 yoshgacha bo‘lgan ayollar o‘rtasidagi jahon chempionatiga yo‘llanma oladi.
