Germaniya terma jamoasi ustozi Yoaxim Lyov nemis klublarining yevrokuboklardagi ishtirokiga baho berdi.

"Nemis klublarining Yevropadagi muvaffaqiyatsizliklari vaqtinchalik ekaniga ishongim kelyapti. Biroq, bu holat xavotirga solmoqda. "Bavariya" va "Borussiya"da guruhdan chiqish imkoniyati bor, Yevropa Ligasidagi klublarda ham vaziyat shunday.

Ammo, murabbiylar shtabimiz Germaniya chempionati saviyasini ko‘tarish uchun avvaldan o‘ylab kelmoqda. Bundesliga eng yaxshi futbolchilarni yetishtirmoqda deb o‘zimizni aldab kelganmiz. Yaqinda yuz bergan mag‘lubiyatlar bu gaplarning noto‘g‘ri ekanini ko‘rsatib berdi", – dedi Lyov Nemis futbol ittifoqi saytida.

Eslatib o‘tamiz, yevrokuboklarning avvalgi turida 6ta nemis klublarining barchasi mag‘lubiyatga uchragan edi.