Германия терма жамоаси устози Йоахим Лёв немис клубларининг еврокубоклардаги иштирокига баҳо берди.
"Немис клубларининг Европадаги муваффақиятсизликлари вақтинчалик эканига ишонгим келяпти. Бироқ, бу ҳолат хавотирга солмоқда. "Бавария" ва "Боруссия"да гуруҳдан чиқиш имконияти бор, Европа Лигасидаги клубларда ҳам вазият шундай.
Аммо, мураббийлар штабимиз Германия чемпионати савиясини кўтариш учун аввалдан ўйлаб келмоқда. Бундеслига энг яхши футболчиларни етиштирмоқда деб ўзимизни алдаб келганмиз. Яқинда юз берган мағлубиятлар бу гапларнинг нотўғри эканини кўрсатиб берди", – деди Лёв Немис футбол иттифоқи сайтида.
Эслатиб ўтамиз, еврокубокларнинг аввалги турида 6та немис клубларининг барчаси мағлубиятга учраган эди.