«Barselona» himoyachisi Jerar Pike o‘z turmush o‘rtog‘i Shakira bilan ajrashgani haqidagi xabar yolg‘on. Bu haqda kolumbiyalik qo‘shiqchining reklama bo‘yicha agenti xabar tarqatdi.

So‘nggi paytlarda matbuotda bu juftlik orasida "ola mushuk o‘tgani" va ular anchadan beri birga yashamayotgani haqida xabarlar tarqalgandi. Ammo Shakiraning agentiga ko‘ra, bu shunchaki mish-mish va bunday xabarlar Pikeni izdan chiqarish uchun qilinayotgan ishlardir. "Barsa" futbolchisi Kataloniya mustaqilligini qo‘llab-quvvatlayotganlardan biri hisoblanadi.

Pike va Shakira 2011 yildan beri birga yashab kelishadi va ikki nafar farzandni tarbiyalashmoqda.