Angliya terma jamoasi ustozi Garet Sautgeyt fanatlar uni yaxshi ko‘rmasligini tushunishini aytdi.
Ma’lumki, u futbolchilik faoliyatida, Yevro-96 yarimfinalidan o‘rin olgan Germaniyaga qarshi o‘yinda hal qiluvchi penaltini urolmagandi.
«Terma jamoadagi tariximni hisobga oladigan bo‘lsam, fanatlarning muhabbatini qaytarish og‘ir bo‘lsa kerak. Men bu yukni 20 yildan buyon yelkamda ko‘tarib yuribman.
O‘z ishimdan zavq olyapmanmi? Albatta. JCH-2018 yo‘llanmasini qo‘lga kiritganimizdan keyin do‘ppimni osmonga otmadim. Biz vazifani uddaladik, ammo hali qiladigan ishimiz ko‘p» - dedi Sautgeyt.
