Англия терма жамоаси устози Гарет Саутгейт фанатлар уни яхши кўрмаслигини тушунишини айтди.

Маълумки, у футболчилик фаолиятида, Евро-96 яримфиналидан ўрин олган Германияга қарши ўйинда ҳал қилувчи пенальтини уролмаганди.

«Терма жамоадаги тарихимни ҳисобга оладиган бўлсам, фанатларнинг муҳаббатини қайтариш оғир бўлса керак. Мен бу юкни 20 йилдан буён елкамда кўтариб юрибман.

Ўз ишимдан завқ оляпманми? Албатта. ЖЧ-2018 йўлланмасини қўлга киритганимиздан кейин дўппимни осмонга отмадим. Биз вазифани уддаладик, аммо ҳали қиладиган ишимиз кўп» - деди Саутгейт.