“Liverpul” 15 oy oldin asosiy jamoada ish boshlagan fizioterapevt Endi Renshouni ishdan bo‘shatdi.
Renshou asosiy jamoada fizioterapevt Kris Morganning o‘rnini egallandi. U, aslida, “Liverpul” akademiyasida 2009 yildan beri faoliyat yuritib kelayotgandi.
“Men 2016 yilning iyulida ish boshlagandim, — dedi Renshou. — 2015-2016 yilgi butun mavsumda futbolchilar 623 kunni davolanish uchun sarflashgandi, 2016-2017 yilgi mavsumda esa bu ko‘rsatkich 144 kunni tashkil etdi. Umumiy jarohatlar soni 30 dan 11 gacha kamaydi. 2015-2016 yilgi mavsumda 17 marta jarohat kuzatilgandi, o‘tgan mavsumda esa 3 marta”.
Ko‘rinib turibdiki, Renshou Kloppning qaroridan norozi. Murabbiy esa tibbiyot xodimlari safini o‘zgartirib, Renshoudan tashqari fitnes-murabbiy Rayland Morgansni ham bo‘shatib yubordi.
