“Ливерпул” 15 ой олдин асосий жамоада иш бошлаган физиотерапевт Энди Реншоуни ишдан бўшатди.
Реншоу асосий жамоада физиотерапевт Крис Морганнинг ўрнини эгалланди. У, аслида, “Ливерпул” академиясида 2009 йилдан бери фаолият юритиб келаётганди.
“Мен 2016 йилнинг июлида иш бошлагандим, — деди Реншоу. — 2015-2016 йилги бутун мавсумда футболчилар 623 кунни даволаниш учун сарфлашганди, 2016-2017 йилги мавсумда эса бу кўрсаткич 144 кунни ташкил этди. Умумий жароҳатлар сони 30 дан 11 гача камайди. 2015-2016 йилги мавсумда 17 марта жароҳат кузатилганди, ўтган мавсумда эса 3 марта”.
Кўриниб турибдики, Реншоу Клоппнинг қароридан норози. Мураббий эса тиббиёт ходимлари сафини ўзгартириб, Реншоудан ташқари фитнес-мураббий Райланд Моргансни ҳам бўшатиб юборди.
