«Kristal Pelas» safida to‘p surayotgan malilik yarim himoyachi Bakari Sako hozirda maydonda faol harakatlari emas, asosan butsasi bilan e’tibor qozonmoqda.
Unga antiqa poyafzalni parijlik mashhur krossovkalar dizayneri Pyer Navarro tayyorlab berdi. To‘g‘rirog‘i, Pyer butsani qandaydir texnologiyalar vositasisiz bezadi - faqat qo‘l yordamida.
Umuman, Navarro futbolchi uchun butsalarning butun bir to‘plamini yaratib, ularda Yaponiya pop-madaniyati qahramonlarini talqin etishga uringan.
Dizayner asosan «Zetning ajdar marvaridi» (Dragon Ball Z) anime-seriali siymolarini tanlagan. Bu G‘arbda katta qiziqish uyg‘otgan eng ommabop animasion seriallardan biridir.
Deylik, 1989-1996 yillar oralig‘ida ishlangan Dragon Ball Zni hamon sevib tomosha qilishadi, uning fanatlari sira kamaymayapti. Bundan tashqari, «Naruto» va «Vanpanchmen» animelari qahramonlari, shuningdek, Street Fighter videoo‘yini personajlariga ham e’tibor qaratilgan.
Xullas, Bakari Sako APL doirasida «Sautgempton»ga qarshi kechgan uchrashuv (5-tur)da ilk marta shu butsadan foydalandi. Biroq zaxiradan maydonga tushgan futbolchi jamoasining mag‘lubiyatdan qutulib qolishiga yordam berolmadi.
Aytish o‘rinli, DAVOMI
