Sport, ayniqsa, futbolda bashoratlar har doim ham to‘g‘ri chiqavermaydi. Bir eslang, JCH-2018 saralashining so‘nggi raundiga qur’a tashlangan payt muxlislar, jurnalistlar va hattoki, mutaxassislarimiz qanday taxminlarni ilgari surishgandi-ya.
Tushunarliki, hamma raqiblar nomidan kelib chiqib gapirgan. Biroq futbolning oltin qoidasi shuki, raqib kim bo‘lishidan qat’iy nazar, unga hurmat nazari bilan qarash va hamma ishlarni professional darajada bajarish shart.
Xullas, podadan oldin chang chiqarish yaxshi oqibatlarga olib kelmasligini yana bir bora amalda ko‘rdik. Qayta-qayta takrorlangan xatolarni yo‘qotmas ekanmiz, ijobiy natijaga ko‘z tikish noo‘rin.
Umid shuki, O‘FFning yangi rahbariyati barchasini to‘g‘ri yo‘lga soladi.
Sanab ko‘rsak «jo‘ja»miz
Chipta uchun yetmadi.
Barbod bo‘ldi rejamiz
Befoyda endi dod-voy.
Shoshilib urgandik bong
Otib-otmay hali tong.
Yakunda yo‘q sifat-son
Befoyda endi dod-voy.
Boshqaga umid bog‘lab
Yurdik o‘zimizni aldab.
Qidirsa ko‘p bor sabab
Befoyda endi dod-voy.
Eh, Samvel Babayan