Ispaniya chempionati yakuniga besh tur qoldi — «Barselona» joriy mavsumni shu qadar muvaffaqiyatli o‘tkazmoqdaki, agar qolgan barcha beshta o‘yinda g‘alaba qozonsa, o‘z vaqtida Xosep Gvardiolaga ham nasib qilmagan klubning asosiy rekordlaridan birini takrorlashi mumkin.

Gap bir mavsumda 100 ochko jamg‘arish haqida bormoqda. «Barsa» tarixida bunday natija faqat bir marta — Gvardiola ketganidan keyingi birinchi yilda, ya’ni 2012/2013 yilgi mavsumda Tito Vilanova qo‘l ostida qayd etilgan edi.

Biroq eslatib o‘tish joizki, «Barselona»ni oldinda faqat «Osasuna» va «Alaves» kabi jamoalar emas, balki «Betis» va «Valensiya» kabi ancha jiddiy raqiblarga qarshi bahslar kutib turibdi. Va, albatta, eng asosiy to‘qnashuv — 10 may kuni Madridning «Real» klubiga qarshi bo‘lib o‘tadigan uchrashuvdir.