Londonning «Arsenal» klubi bosh murabbiyi Arsen Venger, nima uchun “Barselona”ni Angliya Premyer-ligasida ishtirok etishini istamasligini tushuntirib berdi.
“APLda “Barselona”bo‘lishini istamayman. Bu normal bo‘lmagan xolat, chunki bu holat liganing umumiy geografik birligini buzadi. Nima uchun APL Buyuk Britaniya tarkibida bo‘lgan “Seltik” va “Reynjers” jamoalarini taklif qilmaydi?
O‘ylaymanki, bu “Barselona” taklifidan ko‘ra muhim ahamiyatga ega. Bundan tashqari, “Barselona”ni APLga taklif qilish Kataloniya va Ispaniya o‘rtasidagi munosabatlarda Angliya Kataloniyani qo‘llab-quvvatlaganidekko‘rinib qolmaydimi?
Siyosiy sabablar tufayli ham “Barselona”ning APLga ko‘chib o‘tishi sodir bo‘lmaydi deb o‘ylayman. Umid qilamanki bu masala uzoq chuqurlashib ketmaydi va «Barselona» Ispaniyada o‘ynashni davom ettiradi", - deydi Venger.
Eslatib o‘tamiz, kuni-kecha “Barselona” faoliyatini Ispaniya chempionatida davom ettirishini ma’lum qilgandi.
