Лондоннинг «Арсенал» клуби бош мураббийи Арсен Венгер, нима учун “Барселона”ни Англия Премьер-лигасида иштирок этишини истамаслигини тушунтириб берди.

“АПЛда “Барселона”бўлишини истамайман. Бу нормал бўлмаган холат, чунки бу ҳолат лиганинг умумий географик бирлигини бузади. Нима учун АПЛ Буюк Британия таркибида бўлган “Селтик” ва “Рейнжерс” жамоаларини таклиф қилмайди?

Ўйлайманки, бу “Барселона” таклифидан кўра муҳим аҳамиятга эга. Бундан ташқари, “Барселона”ни АПЛга таклиф қилиш Каталония ва Испания ўртасидаги муносабатларда Англия Каталонияни қўллаб-қувватлаганидеккўриниб қолмайдими?

Сиёсий сабаблар туфайли ҳам “Барселона”нинг АПЛга кўчиб ўтиши содир бўлмайди деб ўйлайман. Умид қиламанки бу масала узоқ чуқурлашиб кетмайди ва «Барселона» Испанияда ўйнашни давом эттиради", - дейди Венгер.

Эслатиб ўтамиз, куни-кеча “Барселона” фаолиятини Испания чемпионатида давом эттиришини маълум қилганди.