Chili terma jamoasi bosh murabbiyi Xuan Antonio Pissi JCH-2018 saralashi doirasida Braziliya (0:3) terma jamoasiga qarshi o‘yindan keyin iste’foga chiqishini ma’lum qildi.
"Kelajak haqida? O‘tgan hafta aytganimdek, agarda terma vazifani bajara olmasa shartnomam yakunlanadi.
Men tarkibni, taktikani tanladim. Shu boisdan barcha mas’uliyatni o‘z bo‘ynimga olaman", - deydi Pissi.
49 yoshli mutaxassis Chili terma jamoasini 2016 yilning yanvar oyida o‘z boshqaruviga olgandi. Uning qo‘l ostida terma Amerika Kubogi-2016 turnirida g‘alabaga erishdi.
