Osiyo chempionlar ligasining yarimfinal javob o‘yinlari start oldi.
Bugun Eronning "Persepolis" klubi o‘z maydonida Saudiya Arabistonining "Al-Hilol" jamoasini qabul qildi.
Dastlabki o‘yinda, saudiyaliklar 4:0 hisobida g‘alaba qozonib, finalga bir oyog‘i bilan qadam qo‘ygan edi. Javob bahsida ham ular qarshilikni susaytirmay, fors klubidan kuchliroq ekanini namoyish qildi.
Bu bilan "Al-Hilol" o‘z tarixida 6-marta Osiyoning nufuzli musobaqasi finalida o‘ynaydigan bo‘ldi. Jamoa 1991 va 2000 yillarda turnir g‘olibligini qo‘lga kiritgan bo‘lsa, 1986, 1987 va 2014 yillarda finalgacha yetib borgan.
Eslatib o‘tamiz, yana bir yarimfinal o‘yinida Yaponiyaning "Urava Red Daymonds" klubi o‘z maydonida Xitoyning "Shanxay SIPG" jamoasini qabul qiladi. Dastlabki o‘yinda 1:1 hisobi qayd etilgan.
OCHL, 1/2 final. Javob bahsi
17 oktyabr
Persepolis (Eron) - Al-Hilol (Saudiya Arabistoni) - 2:2
Gollar: Mensha (16, 61) - Xarbin (30 pen, 76)
Dastlabki o‘yin: 0:4
