Ispaniya terma jamoasi himoyachilari Ramos, Pike hamda yarim himoyachi Buskets termadan ketish niyatida. Bunga ularni Ispaniya futbol federasiyasi prezidentining qarori majbur qilmoqda.
Ispaniya terma jamoasining Lixtenshteynga qarshi o‘yinidan keyin prezident Xuan Luis Larrea terma jamoaning marketing ishlari bo‘yicha direktori Mariya Xose Klaramuntni ("Valensiya"ning 70-yillardagi futbolchisi Pep Klaramuntning qizi) iste’foga chiqarishga qaror qilgandi. Ramos, Pike va Buskets esa Klaramuntni himoya qilib chiqishdi va agar u iste’foga chiqarilsa, terma jamoadan ketishlarini ma’lum qilishdi. Biroq prezident bunga e’tibor bermadi hamda Klaramuntni lavozimidan bo‘shatdi. Endi bunga futbolchilarning munosabati qanday bo‘larkin?
