Испания терма жамоаси ҳимоячилари Рамос, Пике ҳамда ярим ҳимоячи Бускетс термадан кетиш ниятида. Бунга уларни Испания футбол федерацияси президентининг қарори мажбур қилмоқда.

Испания терма жамоасининг Лихтенштейнга қарши ўйинидан кейин президент Хуан Луис Ларреа терма жамоанинг маркетинг ишлари бўйича директори Мария Хосе Кларамунтни ("Валенсия"нинг 70-йиллардаги футболчиси Пеп Кларамунтнинг қизи) истеъфога чиқаришга қарор қилганди. Рамос, Пике ва Бускетс эса Кларамунтни ҳимоя қилиб чиқишди ва агар у истеъфога чиқарилса, терма жамоадан кетишларини маълум қилишди. Бироқ президент бунга эътибор бермади ҳамда Кларамунтни лавозимидан бўшатди. Энди бунга футболчиларнинг муносабати қандай бўларкин?