Transfermarkt статистик портали дунёнинг энг кучли 25 та лигаси доирасида ўз академияси тарбияланувчиларига энг кўп ўйин амалиёти бераётган клублар рўйхатини тузиб чиқди.

Рейтинг натижаларига кўра, Испаниянинг «Атлетик Бильбао» клуби бу борада яққол пешқадамга айланди. Клуб академиясидан етишиб чиққан футболчилар жорий мавсумда майдонда жами 41 507 дақиқа ҳаракат қилишган.

Кучли учликдан яна иккита Ла Лига вакили жой олди: иккинчи ўринни «Барселона» (27 127 дақиқа), учинчи поғонани эса «Сельта» (25 154 дақиқа) банд этди.

Шунингдек, биринчи ўнликдан «АЗ Алкмар» (Нидерландия), «Фрайбург» (Германия), «Реал Сосьедад» (Испания), «Генк» (Бельгия), «Аякс» (Нидерландия), «Брюгге» (Бельгия) ва «Малага» (Испания) клублари ўрин олган.

Эътиборли жиҳати, Мадриднинг «Реал» клуби ўз тарбияланувчиларига 14 175 дақиқа имконият бериб, рейтингда 15-ўринни эгаллаб турибди.