Неймар Филиппе Коутиньонинг «Сантос»га ўтишини клубнинг ўзи расман эълон қилишидан аввал амалда маълум қилди.
«433» саҳифаларида Неймарнинг жамоа қароргоҳида ўзининг яқин дўсти Коутиньони кутиб олгани акс этган видео эълон қилинди.
«Агар бу туш бўлса, уйғонишни истамайман. Мен сени қучоқлаш ва сенга ғамхўрлик қилиш учун шу ердаман. Ўз уйингдагидек ҳис қил!» — деди Неймар.
Коутиньо «Сантос»га эркин агент мақомида қўшилади. Аввалроқ у жорий йил охирига қадар шартнома имзолаши ҳақида хабарлар тарқалган эди.
Қайд этиш жоизки, Неймар ва Коутиньо клублар даражасида аввал бирга тўп тепмаган. Улар фақат Бразилия миллий терма жамоасида бирга ўйнашган.
