Мадриднинг «Реал» клуби раҳбарияти Жозе Моуриньонинг бош мураббийлик лавозимига қайтишига тўлиқ ишонч билдирмоқда. Бу ҳақда инсайдер Никола Скира хабар берди.
Маълумотларга кўра, «қироллик клуби» президенти Флорентино Перес португалиялик мутахассисга 2028 йилгача мўлжалланган шартнома таклиф қилган. Агар Моуриньо ушбу таклифга розилик берса, «қаймоқранглилар» май ойи якунига қадар унинг «Бенфика» билан амалдаги шартномасини 3 миллион евро эвазига сотиб олиш имкониятини фаоллаштиради.
Эслатиб ўтамиз, ҳозирда «Реал»ни Альваро Арбелоа бошқармоқда. Ла Лиганинг 34-туридан сўнг жамоа турнир жадвалида пешқадам «Барселона»дан 11 очко ортда қолган ҳолда иккинчи ўринни эгаллаб турибди.
