«Барселона» ҳужумчиси Маркус Рэшфорд фаолиятини яна «Манчестер Юнайтед»да давом эттириши кутилмоқда. Бу ҳақда Mundo Deportivo нашри хабар бермоқда.

Манбанинг таъкидлашича, 28 ёшли футболчининг тақдири кўп жиҳатдан «МЮ» бош мураббийи Майкл Кэррикнинг жамоада қолиш-қолмаслигига боғлиқ. Кэррик Решфорднинг имкониятларига юқори баҳо беради ва уни яна энг юқори даражага қайтара олишига ишонмоқда. Агар мутахассис ўз лавозимини сақлаб қолса, англиялик футболчининг жонажон клубига қайтиш имкониятлари кескин ортади.

Эслатиб ўтамиз, «Барселона» ўтган йилнинг ёзида Рэшфордни ижарага олган эди. Каталонияликлар сафида ҳужумчи барча мусобақаларда 46 та ўйинда майдонга тушиб, 13 та гол урди ва 14 та голли узатмага муаллифлик қилди.