Мадриднинг «Реал» клуби бош мураббийи Альваро Арбелоа 7 май, пайшанба кунги машғулотдан сўнг жамоа кийиниш хонасида ярим ҳимоячилар Федерико Вальверде ва Орельен Тчуамени ўртасида келиб чиққан муштлашувни тўхтатишга қодирмиди, деган саволга жавоб берди. Ушбу тўқнашув натижасида уругвайлик футболчи бошидан жароҳат олиб, шифохонага ётқизилган эди.
«Менинг «Реал» кийиниш хонасида шахсий кабинетим йўқ. Содир бўлаётган барча воқеалар учун масъулиятни ўз зиммамга олишни ва ҳамма нарсани назорат қилишни истардим. Агар ушбу вазият мураббий ҳаммасини тўхтатиши керак эди, деган фикрнинг пайдо бўлишига олиб келган бўлса, мен буни қабул қиламан.
Бундай вазият жуда ёқимсиз ва у барча учун дарс бўлиши керак. Келинг, олдинга интиламиз, бундан хулоса чиқарамиз ва эртага «Барселона» — «Реал» учрашуви борлигини унутмаймиз», — деди Арбелоа матбуот анжуманида.
