Madridning «Real» klubi bosh murabbiyi Alvaro Arbeloa 7 may, payshanba kungi mashg‘ulotdan so‘ng jamoa kiyinish xonasida yarim himoyachilar Federiko Valverde va Orelyen Tchuameni o‘rtasida kelib chiqqan mushtlashuvni to‘xtatishga qodirmidi, degan savolga javob berdi. Ushbu to‘qnashuv natijasida urugvaylik futbolchi boshidan jarohat olib, shifoxonaga yotqizilgan edi.

«Mening «Real» kiyinish xonasida shaxsiy kabinetim yo‘q. Sodir bo‘layotgan barcha voqealar uchun mas’uliyatni o‘z zimmamga olishni va hamma narsani nazorat qilishni istardim. Agar ushbu vaziyat murabbiy hammasini to‘xtatishi kerak edi, degan fikrning paydo bo‘lishiga olib kelgan bo‘lsa, men buni qabul qilaman.

Bunday vaziyat juda yoqimsiz va u barcha uchun dars bo‘lishi kerak. Keling, oldinga intilamiz, bundan xulosa chiqaramiz va ertaga «Barselona» — «Real» uchrashuvi borligini unutmaymiz», — dedi Arbeloa matbuot anjumanida.