«Barselona» jamoa hujumchisi Lionel Messiga faoliyatining oxirigacha mo‘ljallangan shartnoma taklif qiladi. Bu haqda "ko‘k-anorranglilar" bosh direktori Oskar Grau xabar tarqatdi.
30 yoshli futbolchining kataloniyaliklar bilan hozirgi shartnomasi 2018 yilning iyun oyida yakuniga yetadi. Hozircha Messi bilan hozircha rasman shartnoma uzaytirilmadi. Avvalroq "Barsa" prezidenti Jozep Bartomeu bir necha marta bayonot berib, Leo bilan yangi shartnoma borasida kelishuvga erishilgani va faqat hujjatlarni rasmiylashtirish qolgani haqida aytib o‘tgandi.
«Messi iyun oyida 4 yilga mo‘ljallangan shartnomaga imzo chekkan, ammo klub unga "umrbod" shartnoma taklif qiladi. Leo yoshligidan "Barselona" safida o‘ynab kelmoqda. Shu bois, u klub ramzi hisoblanadi. U futbolchilik faoliyatini tugatganidan keyin ham "Barselona" ishlashda davom etishini istaymiz», – dedi Grau.
Eslatib o‘tamiz, oktyabr oyi boshida kataloniyaliklar yarim himoyachi Andres Inyesta bilan faoliyatining oxiriga qadar mo‘ljallangan shartnoma imzolashgandi.