Parijning “PSJ” klubi hujumchisi Neymar “Marsel”ga qarshi uchrashuv (2:2) da chetlatilganiga izoh berdi.

Eslatib o‘tamiz, Neymar uch daqiqada hakam tomonidan ikki marta ogohlantirildi. Braziliyalik futbolchi ikkinchi sariq kartochkani raqibni yuziga bosh bilan urgani uchun ishlab oldi.

“O‘ylaymanki, bu ogohlantirish umuman haqiqatga to‘g‘ri kelmaydi. Butun o‘yin davomida raqib futbolchilarining urmagan joylari qolmadi.

Okamposning orqadan urgani uchun jahlim chiqdi. Butun tanam kuchli zarbalardan ko‘karib ketgan. Hakam meni chetlatmoqchi bo‘lib turgandi va u o‘z maqsadiga yetdi”, – deydi Neymar.