Bugun Kilian Mbappe Yevropada 2017 yilning eng yaxshi yosh futbolchisi sifatida e’tirof etildi.
E’tiborli tomoni avvalroq Mbappe mazkur sovrin yo‘lida “Barselona” futbolchisi Usmon Dembele va “Manchester Siti” hujumchisi Gabriel Jezusni ortda qoldirgandi.
Ba’zi bir tushunmovchiliklarga ko‘ra, sovrinning uchinchi o‘rnini “Siti” a’zosi Jezus emas, balki “Manchester Yunayted” hujumchisi Markus Reshford 76 ball bilan egallagan. Dembele 149 ochko jamg‘arib, ikkinchi o‘rinni band etgan bo‘lsa, Mbappe 291 ovoz bilan sovringa ega chiqdi.
Ma’lumot uchun, Italiyaning Tuttosport nashri “Golden Boy” sovrini g‘olibini L’Equipe (Fransiya), Marca (Ispaniya), The Times (Angliya), A Bola (Portugaliya), De Telegraaf (Gollandiya), Tuttosport, Corriere dello Sport i Gazzetta dello Sport (barchasi – Italiya) kabi nashrlarda faoliyat olib boradigan jurnalistlarning ovozlariga asosan aniqlaydi.