Unda o‘tgan mavsumning eng yaxshi erkak futbolchisi sifatida Madridning “Real” klubi va Portugaliya terma jamoasi hujumchisi Krishtianu Ronaldu e’tirof etildi. 

Mazkur sovrinni ketma-ket ikkinchi yil qo‘lga kiritgan Krishtianu Ronaldu sovrinni qabul qilib olgandan so‘ng FIFA jurnalistlarining savollariga javob berdi.

Portugaliya terma jamoasi Konfederasiyalar kubokida muvaffaqiyatsiz ishtirok etdi.

Kelasi yil esa terma jamoa bilan yana Rossiyaga borasiz. Bu holat takrorlanishi mumkinmi?

- Rossiya maydonlarida bir necha marotaba o‘ynaganman. Moskvada YECHL finalini o‘tkazib, g‘alaba qozonganman.

Rossiya men uchun ko‘p marotaba omad keltirgan deya olaman. Faqat bu yil Portugaliya termasi Konfederasiyalar kubokida o‘ylagan maqsadiga yeta olmadi.

Chiliga penaltilar seriyasida imkoniyatni boy berib, turnir bilan erta xayrlashishga majbur bo‘ldik.

Penaltilar seriyasi bu lotereyaga o‘hshaydi, bir yutasan, bir yutqazasan. Nima ham derdim Konfederasiyalar kubogi terma jamoa uchun yangi marralarni ochib berish uchun ko‘prik vazifasini bajardi.