«Nyukasl» vingeri Entoni Gordon «Barselona»ning qiziqishlar doirasiga tushdi. Bu haqda jurnalist Ferran Martines xabar bermoqda.

Manbaning ma’lum qilishicha, «ko‘k-anorranglilar» 25 yoshli futbolchining harakatlarini diqqat bilan kuzatib borishmoqda. «Barselona» Gordonning mahoratini, ayniqsa, uning to‘psiz harakatlanish qobiliyatini yuqori baholamoqda. Biroq, ushbu transferga asosiy to‘siq — hujumchining narxi bo‘lib turibdi. «Nyukasl» o‘z yulduzi uchun 85 million yevro talab qilmoqda.

Joriy mavsumda Gordon barcha turnirlarda 46 ta o‘yinda maydonga tushib, 17 ta gol urdi va 5 ta golli uzatmani amalga oshirdi. Angliyalik futbolchining «zag‘izg‘onlar» bilan amaldagi shartnomasi 2030 yilgacha mo‘ljallangan.