«Ньюкасл» вингери Энтони Гордон «Барселона»нинг қизиқишлар доирасига тушди. Бу ҳақда журналист Ферран Мартинес хабар бермоқда.

Манбанинг маълум қилишича, «кўк-анорранглилар» 25 ёшли футболчининг ҳаракатларини диққат билан кузатиб боришмоқда. «Барселона» Гордоннинг маҳоратини, айниқса, унинг тўпсиз ҳаракатланиш қобилиятини юқори баҳоламоқда. Бироқ, ушбу трансферга асосий тўсиқ — ҳужумчининг нархи бўлиб турибди. «Ньюкасл» ўз юлдузи учун 85 миллион евро талаб қилмоқда.

Жорий мавсумда Гордон барча турнирларда 46 та ўйинда майдонга тушиб, 17 та гол урди ва 5 та голли узатмани амалга оширди. Англиялик футболчининг «зағизғонлар» билан амалдаги шартномаси 2030 йилгача мўлжалланган.