Farg‘onada bo‘lib o‘tgan “Neftchi” hamda “Qizilqum” jamoalari o‘rtasidagi bahsdan so‘ng farg‘onaliklar hujumchisi o‘z fikrlarini bildirdi.

– Muxlislarga katta rahmat. G‘alaba qozonsak ham mag‘lub bo‘lgan paytlarimizda birdek qo‘llashmoqda. Bugun finalga teng o‘yin edi. Turnir jadvalidagi vaziyatdan xabardorsiz. Shu sabab, xar bir o‘yin biz uchun finalga teng hisoblanadi. Mag‘lubiyat yoki durang borasida esa gap so‘z bo‘lishi mumkin emas.  Yigitlar bilan o‘yindan avval yig‘ilib gaplashdik. Hammamiz birlashib, g‘alaba sari olg‘a borishimiz ta’kidlandi. Mashg‘ulotlardagi mehnatlarimiz o‘z mevasini berdi. Muxlislarga g‘alaba taqdim etganimizdan mamnunman.

Tarkibizda ko‘plab yosh futbolchilar to‘p surdi. Avazbek O‘lmasaliyev, Abror Ismoilov va Abdujamol Ismoilov singari yigitlar shu ruhda davom etishlari kerak. Bunday uchrashuvlar ularni o‘sishi uchun katta ko‘mak beradi.

Agar hozir o‘rnimda yosh hujumchi bo‘lib dubl qayd etganda, uni “sehrli tayoqcha”ga o‘xshatish mumkin edi. Lekin men bugun shunchaki o‘zimni ishimni bajardim xolos. Hujumchi gol urishi kerak. Agar gol urilmasa, jamoa ham g‘alaba qozonmaydi. Bugun hamma yaxshi o‘ynadi. Darvozabondan tortib oldingi chiziqdagi futbolchilar ham birdek  mehnat qilishdi, – dedi Mamazulumov

“Neftchi” matbuot xizmati