Fransiya terma jamoasining sobiq futbolchisi Kristof Dyugarri Fransiya chempionati 10-turidan o‘rin olgan «PSJ» – «Marsel» (2:2) uchrashuvidan so‘ng parijliklar hujumchisi Neymarni tanqid ostiga oldi.

«Menimcha Neymar o‘z xonasida yoki do‘stlari bilan futzal o‘ynayapman deb o‘yladi. U darvozadan 45 metr narida turib raqibni kutmoqda.

Ilk o‘yinlarda jamoa o‘yinini tezlashtirgan va har bir to‘pga intilgan Neymar qani? Yakshanba kuni chidam bo‘lmas holatni kuzatdim. Ularning o‘yinidan rohat olish qiyin.

Neymar xuddi bog‘da o‘z do‘stlari bilan o‘ynayotgandek ta’surot uyg‘otdi, u hatto jamoadoshlariga ham e’tibor qaratmadi. Bu uning ijrosidagi eng yomon o‘yin bo‘ldi», – deydi Dyuggari.