Fransiya chempionatining 11-tur bahslariga start berildi. Mavsum peshqadami «PSJ» o‘z maydonida «Nissa»ni qabul qilib, yirik hisobda g‘alaba qozondi.

Xabaringiz bor, Neymar diskvalifikasiya tufayli bu o‘yinda ishtirok eta olmadi. Edinson Kavani uning yo‘qligini bildirmadi. Urugvaylik futbolchi bahsning 3 va 31-daqiqalarida raqib darvozasini 2 marta ishg‘ol qildi. Ikkinchi bo‘limda Kavani uchinchi golni ham urishi mumkin edi, ammo u tomon yetkazilgan uzatmani Dante o‘z darvozasiga burib qo‘ydi — 3:0.

Ushbu g‘alabadan keyin "PSJ" 29 ochko bilan peshqadamlik qilishda davom etayotgan bo‘lsa, "Nissa" 10 ochko bilan 14-o‘riinda qolmoqda.

Fransiya chempionati, 11-tur
PSJ – Nissa 3:0 (2:0, 1:0)
27 oktyabr, 23.45, «Park de Prens»
Gollar: 1:0 – 3 Kavani, 2:0 – 31 Kavani, 3:0 – 52, avtogol Dante.
PSJ – Areolya, Dani Alves, Tiago Silva, Kimpembe, Berchiche, Verratti, Rabyo (Lo Chelso, 66), Draksler, Di Mariya, Kavani (Lukas Moura, 85), Mbappe (Pastore, 80).
Nissa – Benites, Marlon, Dante, Le Marshan, Jalle, Lusamba, Mendi (Tamez, 66), Le-Melu (Sent-Maksimen, 78), Byurne, Sneyder, Balotelli (Plea, 72).