Londonning “Chelsi”klubi bosh murabbiyi Antonio Konte shogirdlarining APLDagi ishtiroki haqida gapirib o‘tdi.

Eslatib o‘tamiz, londonliklar APLning 10-turidan so‘ng 19 ochko bilan 4-o‘rinni egallab turishibdi.

“Bu mavsum Premyer-ligadagi raqobat juda ham kuchli. Joriy mavsum har bir klub o‘z oldiga yuqori maqsadlarni qo‘ygan. “Chelsi” chempionatni yuta oladi deb ayta olmayman.

Lekin bor kuchimizni ichki chempionatda g‘oliblik uchun sarflaymiz. Angliyadagi olti nafar kuchli jamoaning faqat to‘rttasi YECHL guruh bosqichiga chiqishi mumkin. Qolganlar Yevropa Ligasida ishtirok etishadi.

Bugungi kunda har qaysi jamoa uchun g‘alaba juda muhim o‘rin tutadi. “Tottenxem”dan tashqari qolgan barcha jamoalar uch ochkodan o‘z hisoblariga yozib qo‘yishdi.

Bu bosqichda yanada jiddiyroq kurashmoqchimiz va qadamba qadam oldinga harakat qilish darkor. “Chelsi” mavsum boshidan beri 19 ochko ishladi, lekin bu chempion bo‘lish uchun kamlik qiladi”, – deydi Konte.