Лондоннинг “Челси”клуби бош мураббийи Антонио Конте шогирдларининг АПЛДаги иштироки ҳақида гапириб ўтди.

Эслатиб ўтамиз, лондонликлар АПЛнинг 10-туридан сўнг 19 очко билан 4-ўринни эгаллаб туришибди.

“Бу мавсум Премьер-лигадаги рақобат жуда ҳам кучли. Жорий мавсум ҳар бир клуб ўз олдига юқори мақсадларни қўйган. “Челси” чемпионатни юта олади деб айта олмайман.

Лекин бор кучимизни ички чемпионатда ғолиблик учун сарфлаймиз. Англиядаги олти нафар кучли жамоанинг фақат тўрттаси ЕЧЛ гуруҳ босқичига чиқиши мумкин. Қолганлар Европа Лигасида иштирок этишади.

Бугунги кунда ҳар қайси жамоа учун ғалаба жуда муҳим ўрин тутади. “Тоттенхэм”дан ташқари қолган барча жамоалар уч очкодан ўз ҳисобларига ёзиб қўйишди.

Бу босқичда янада жиддийроқ курашмоқчимиз ва қадамба қадам олдинга ҳаракат қилиш даркор. “Челси” мавсум бошидан бери 19 очко ишлади, лекин бу чемпион бўлиш учун камлик қилади”, – дейди Конте.