Yangi mavsumni Neymarsiz boshlagan “Barselona” kamroq gollar urmoqda, ammo mavsum debyutini ajoyib boshlay olishdi. Xo‘sh, Neymarning goleadorlik qobiliyatini kim to‘ldirmoqda? Goal nashri bu savolga javob qidirib ko‘rdi.
Neymar yangi jamoasida allaqachon umumiy hisobda 10 gol urishga erishdi. Shulardan yettitasini 1 Liga doirasidagi uchrashuvlarda, qolgan uchtasini Chempionlar Ligasidagi bellashuvlarda kiritgan. Uning parijliklar sarflagan 222 million yevroni oqlash yoki oqlamasligi umuman boshqa masala, ammo braziliyalik iqtidor egasining “Barselona”dan ketishi bilan uning o‘rni darhol sezildi.
"Barselona" Lionel Messining yaqin kelajakdagi o‘rinbosari deb ko‘rilgan Neymarning ketishi bilan gollar urishdan to‘xtab qolgani yo‘q, albatta. Bu mavsumda kataloniyaliklar hamshaharlari Espanyolni 5-0, o‘rtamiyona "Eybar"ni 6-1 hisobida mag‘lubiyatga uchratgan. Ammo yirik hisobdagi g‘alabalari soni shu bilan yakunlangan. Qolgan uchrashuvlarda, Valverde shogirdlari ko‘proq ikki yoki uch to‘p farqi bilan ustun kelmoqda.
Yangi mavsum boshlanganidan beri, Lionel Messi “ko‘k-anorranglilar”ning 45 % ...
